Sjef Dino het gedurende die uitsending van Die GROOT Ontbyt smullekker vleispasteie voorberei. Dié pasteie is maklik om voor te berei. Sjef Dino het sy resep met ons gedeel.
Bestandele:
200 g maalvleis
½ t borrie
½ t gemaalde komyn
½ e paprika
¼ e gemaande kaneel
knippie neutmuskaat
sout en swartpeper
½ rooi ui, fyn gekap
bossie platblaar pietersielie, fyngekap
100 g gedroogte appelkose, gekap
50 g geroosterde ammandels, gekraak
1-2 rolle skilferkors
80 g botter, gesmelt
meel vir garnering
Metode:
• Voorverhit die oond teen 220 °C.
• Verwyder die skilferkors vanuit die yskas en laat dit staan teen kamertemperatuur terwyl jy die res van die bestandele voorberei.
• Bedrup ’n pan met olyfolie oor medium/hoë hitte.
• Voeg die maalvleis by en braai. Roer gedurig.
• Sodra die maalvleis van kleur verander, voeg borrie, paprika, kaneel en neutmuskaat by en meng goed deur.
• Geur met sout en peper en braai totdat alle vloeistof absorbeer.
• Bedek die braaipan met bakpapier en plaas eenkant.
• Sodra die maalvleis afgekoel het, voeg die rooi uie, pietersielie, en neuter by en meng goed saam.
• Roll die deeg egalig uit met die plastiek aan die onderkant en bestrooi met ’n bietjie meel.
• Draai die deeg om en verwyder plastiek. Bestrooi met meel.
• Rol die deeg uit totdat dit ongeveer 3 mm dik is.
• Sny in vierkante, driehoeke of halfmaan vorms.
• Gebruik ’n lepel om die vulsel op die deeg te skep.
• Besmeer die rante van die deeg met water en vou om. Druk die rante netjies toe om te verseker dat die vulsel nie uitval nie.
• Gebruik ’n mes en druk op die rante om behoorlik te seel.
• Plaas op bakpan, borsel met gesmelte botter en bak in die oond vir ongeveer 15 na 20 minute tot goudbruin.
The post Resep: Vleispasteie appeared first on Kyknet.