In ’n episode van Die GROOT Ontbyt het sjef Dino ’n geroosterde hoender voorberei. Hy het sy resep met ons gedeel.
Bestandele
Marinade:
70 g sout
4 e suiker
2 l water
12 tiemietakkies
Hoender:
1 hoender
150 g sagte botter
2 e tiemieblare
12 tiemietakkies
olyfolie
2 e sout
varsgemaalde swartpeper
2 suurlemoene
5 aartappels, geskil en in kwarte gesny
250 ml droë witwyn
Metode:
Marinade:
• Voeg die sout, suiker en tiemietakkies sowel as 500 ml water saam in ’n medium souspan en verhit totdat die sout en suiker oplos.
• Verwyder vanaf hitte, plaas vloeistof in ’n groot bak en voeg die oorblywende water by.
• Plaas in yskas om af te koel.
• Was die hoender en plaas in marinade. Laat dit staan in die yskas vir sowat agt ure staan.
Hoender:
• Voorverhit die oond teen 200 °C.
• Verwyder die hoender van die marinade en was dit ordentlik met koue water.
• In ’n klein mengbak voeg die botter, sout en tiemieblare by en meng goed saam.
• Met jou vingers, trek die hoendervelletjies weg van die vlees totdat jy by die boudjies kom. Vryf die tiemie-en-bottermengsel egalig oor die hoender.
• Bedrup die byde kante van die hoender olyfolie en geur met sout en peper.
• Sny een suurlemoen in die helfde en plaas beide helftes sowel as die agt tiemietakkies in die skeure tussen die vel en vlees.
• Voeg die aartappels in die braaipan en bedrup met olyfolie. Geur met sout, peper en ’n paar tiemietakkies.
• Plaas die hoender bo-op die aartappels met die hoenderborsies na bo, en giet die wyn bo-oor die aartappels en hoender.
• Sny die ander suurlemoen in die helfde en druk die sap oor die aartappels en hoender.
• Bedek die gereg en plaas in die oond om vir 2½ ure te bak. Draai die hoender om na een uur.
• Verwyder en laat afkoel.
• Sny dan die hoender en bedien met aartappels en ’n vars slaai.
The post Resep: Geroosterde hoender appeared first on Kyknet.