Dié lamnek-resep is tydens ’n episode van Die GROOT Ontbyt voorberei.
Bestanddele:
1,5 kg lamnek
50 g koekmeel
olyfolie
2 uie, fyngekap
6 knoffelhuisies, fyngekap
3 lourierblare
seesout en swartpeper
3 e gedroogde oregano (Grieks, indien moontlik)
2 e wonderpeper (allspice), fyngemaak
30 g bruinsuiker
1 e tamatiepasta
500 ml droë witwyn
1 l hoenderaftreksel
200 ml passata (tamatiepuree)
4 aartappels, in kwarte gesny
Metode:
• Voorverhit die oond teen 100 °C.
• Bedek die lamnek met meel en skud enige oortollige meel af.
• Voeg olyfolie by ’n groot kastrol oor medium of hoë hitte.
• Geur die lamnek met sout en peper en plaas in die kastrol om bruin te word aan alle kante (sowat 5 minute).
• Verwyder van hitte en hou eenkant.
• Voeg nog ’n bietjie olyfolie by en verminder die hitte na medium.
• Voeg die uie, knoffel en lourierblare by en soteer, terwyl daar aanhoudend geroer word (sowat 10-15 minute). Jy kan 2 t sout by die uie voeg.
• Sodra dit gekarameliseer het , voeg dit by die lamnek.
• Voeg die tamatiepasta, bruinsuiker, wonderpeper en oregano by en maak seker die lam word behoorlik bedek.
• Voeg die wyn by en vermeerder die hitte.
• Laat dit kook vir ’n paar minute voordat die tamatiepuree en aftreksel bygevoeg word.
• Verminder die hitte en voeg die aartappels by.
• Kook vir 3 ure. Haal dan die kastrol se deksel af en vermeerder die hitte tot by 160 °C. Kook vir sowat 45 minute of ’n uur om seker te maak die sous verminder.
• Sit voor saam met slaai of groente.
Wenk: As jy nie die lam stadig wil kook nie, voorverhit die oond teen 160 °C en kook die lam vir sowat 2½ ure. Haal die deksel af en kook vir ’n verdere 30 minute.
The post Resep: Lamnek appeared first on Kyknet.